|
تحيهــ منــ مجلد
السلام عليكم جميعاً
هذي تحيه من مجلد برسلها لكم عبر النت ويشفعها بقصيده نبطيه تحكي مدى حبي لقريتي-صحيح مافيها أسماء ولكن الوصوف علها تكون كافيه للإشاره بأن محبوبتي المقصوده هي "المصنعه" أقول فيها حطت على قلبــي مخالــب حبهــا ************واجـترتــه مـن بيــن غـــدران الـحيــــــاه ثم ارتقــــت به فـارده جنحانهــــا ************تنشـد سحـاب المجــد في عالي الســــــراه واتمايلــت يوم اعتلـت وديانهــــا ************ترقـص علـى غيمـــه وتسبــح في سمــــاه واتسابقـــت كل النجــوم تحبهـــا ************ليــن القمــر غطــى علـى وجـــده حيـــــاه ثم إنزلــت به في ثنــايا شعابهـــا ************تـغــــزل له ورود المـحبـــــه والســــــلاه وتعانقــه نشــوى على ريعانهـــا ************تخضــب الحنـــا وتسعـــى في رضــــــاه قالــت-أنا - حلو الطبيعه وصفها ************مشروبـــي الصافي عسـل وانتــه حــــلاه وديارنـا ما تنــقطـع أمــطارهــا ************ريحانهـــا غطــى علــى الـــورد بشــــذاه يرتاح من يسمـع هدير سيولهــا ************وتعـلـمـــه نظـــم القصـــايــد في هـــــواه إن أبرقـت يضوي علينـا نورها ************وإن أرعــدت نشـتــاق للحــــب وغــــلاه ثم إرسمت له في الهوى بيدينها ************لوحــه قديمـــه تحكـــي الماضــي معـــاه حلـــم الطفـوله والورود حولهـا ************صحرى شكى من وهجها الرمل وحصاه واسلتهمت في رسمـها منديلهــا ************منقــوش به شمعـــه طفـــاها في صبــــاه وبجنبها حطت حروف لإسمهـا ************بـــــروازهــا دمعــه وكـــبريـــــت ودواه |
أشكرك على هذا الشعور الطيب نحو قريتك وهو شعورنا جميعاً بلا شك .. الله يعطيك العافية ونأمل المزيد.. ودمت في سعادة وهناء..الدور على شعارنا للرد .. وللجميع تحياتي..
|
واسلتهمت في رسمـها منديلهــا
************منقــوش به شمعـــه طفـــاها في صبــــاه وبجنبها حطت حروف لإسمهـا ************بـــــروازهــا دمعــه وكـــبريـــــت ودواه صح لسانك |
الله يعطيك العافيه ابو عمر
اشكر لك مرورك ودمت بود تحياتي |
ماعليك زود الوادي الأخضر
وانت لفت نظري لخطأ مطبعي فيي بداية البيتين ... والصحيح ( واستلهمت ) في رسمها منديلها ـــــــــــــــــ منقوش به شمعه طفاها في صباه والخطأ الثاني بناء على المراجعه وعدم تمكني من التعديل هو فقدان حرف الواو في البيت اللي يقول حلم الطفوله والورود ( و ) حولها ـــــــــــــــــــ صحرى شكى من وهجها الرمل وحصاه عموما اشكر لك حسن المرور والتوقيع تحياتي |
مشكووووووووووور اخوي مجلد
ودي تشرح لي توقيعك مافهمته__________________ حنا هل المسرى وحنا المطاريش ــــــــــــــــــــــــــــــــــــــ والى جزمنا نخفي الجاش بغراش |
حياك الله يا مجلد ومبارك عليك الشهر
أبيات في منتهى الروعه ...زدنا من جديدك. |
العفو النمر
وشرح توقيعي يقول حنا اهل الغزو ومراسيل الموت واذا عزمنا على امر مانظهره لأحد . وكما جاء في الحديث عن سيدنا محمد صلوات الله وسلامه عليه (( واستعينوا على قضاء حوائجكم بالكتمان )) ارجو ان يكون الشرح وافي تحياتي |
البقى اخوي محمد والله يبارك فيك
والروعه في مرورك وتوقيعك . تحياتي |
يعطيك العافيه
|
صح لسانك
ويعطيك العافية |
مشكور يامجلد ابيات جميله.
تحياتي |
الله يعافيك ابو يارا
اشكر لك مرورك وكل عام وانتم بخير تحياتي |
الله يكرمك يالقناص
اشكر لك مرورك وكل عام وانتم بخير تحياتي |
العفو اخوي سعيد
والجمال في مرورك وحسن توقيعك وكل عام وانتم بخير تحياتي |
| الساعة الآن 09:26 AM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ