هلا بالدار
وأهل الدار والساحه
هلا (بالجون) والجدران
والمبنى
هلا باللي
عرفنا عنده الراحه
هلا بالكف
وراعي الكف والحنّى
هلا باللي
هروجه دوم مزّاحه
كريم النفس
في الأقوال والمعنى
هلا باللي
إذا ما غابت أفراحه
تجاهل... حتى
لا يجرح مشاعرنا
هلا باللي... رضايه
منتهى أطماحه
تحمّل زلّتي
وأحسن بي الضنَّ (ا)
مضينا العمر
ما نهتم بأتراحه
وما عادت
صروف الدهر
تذهلنا
رضينا والرضا
كنز(ن) ومفتاحه
قناعة نفس
بالمقسوم تجمعنا
ألا يالله ترزق (....)
راحه
في الدنيا
وفي الفردوس
دار العدل تجمعنا