قال انا
طالع الديره
توصيني بشيء؟
قلت سلم لي
على ذيك الديار
قلت سلم لي
على الوادي
وقل دايم عمار
وأنشده وين
السواني والمجار
وأنشده وين
المساحي
من طلوع الفجر
والفلاح صاحي
يحرث الأرض
البوار
قلت سلم لي
على كل الحصون
قل لها لا البعد
نساني
ولا عمره يكون
وأنشد الزمار
عن (سدران)
إذا (دندن)
تردَّدْ في قلوب
الناس له
ذاك الحنين
وين هي
ذيك القصايد
(قر يالزمار)
كانت في شفاه
الناس ذكرى
وحصون الدار
(قرت) بعدهم
طول السنين
كم تعجبنا
وقلنا من بناها
أحكم البنيان
حتى
في علاها
قد غدت
مثل المنار
قلت سلم لي
على (الجلّه)
وشوف
عاد ذاك (النجل)
يجري
(دغدغه) صوت
الضفادع
في بهيم الليل
والعالم سكون
قلت سلم لي
على (شعران)
(وجروف الرياح)
من حوالي (القعس)
إلى (غار الرماده)
(للصلايا)
وأهلنا يتحطبون
قال وقّف
وشبك إنته
كلها يومين
وآعوّد محمل
بالهدايا
لك من الوادي
شوية (جوج)
أو (عرفج)
من اللي تشتهون
قلت يا خوفك
من الله
بعد ذاك الخير
تجرح خاطري
بالجوج يا مال
الغنيمه
خلني أحلم
مع اللي يحلمون
أرجو البحث عن معاني الكلمات بين الأقواس؟؟ إذا ما عرفتم معناها ...لاتقوقلونها....دوِّروا أقرب شيبه أوكهله وأقرأوا عليهم ما كتبت