|
شــــريط الــذكــريــات
السلام عليكم ورحمة الله وبركاته
أعضاء منتدى قلبي الكرام موضوع اليوم بعيد عن المواضيع الشائكه والمعقده ولكن سوف ابحر بكم بسفينة متواضعه بعالم الذكريات و للبعض منا يحب ان يمر بالمكان يتذكرها ويعيد شريط الأيام الجميله التي قضاها بمرحلة من المراحل العمر تعالوا نمر بالسفينة على بحر الذكريات و على جزيرة كل واحد منكم و اذا احببتم فقط قولوا يا كابتن على جنب و باأنزل ونتكرم بضيافتك يالله نبدأ ولي مشاركه بشريط من ذكرياتي ولكن ليس الان لضيق الوقت و لا تحرمونا من مشاركتكم ولكم الف شكر سلفاً |
أخييييييييييييييييييييرا .. :D
قبل ان ابدأ عندي سؤال : وهو كالتالي .. سين سؤال : الذكريات اللي تقصديها داخل القرية ؟؟ اذا داخل القرية فللاسف لااتذكر شيئا لاني سااكن خارج القرية منذ نعومة اظافري :lol: فلا اذكر القرية ايام الطفوووولة ... بالتوفيق |
هـــلا ابو مازن ... لا...!!!! الله يعطيك العافيه اي ذكرى أو موقف موشرط داخل القريه او خارجها ذكرى بحيث تبقى خالده هنا وبقلوبنا بحيث لما تكون زعلان مثلا ادخل واقراها وان شاء الله يروح همك ونكدك لما تقرا وتتذكر o.k :wink: |
ليش تقلبين المواجع ياقطرة نـــــــــــــــدى اتذكر وإحنا نادرين بالثيران من العقبة نصرم قضب والمطر فوقنا ......... امزح :D :lol: ذكرياتي في مدرسة المصنعه ايام ا لإبتدائي في المبنى القديم كان كل ركن في الحوش لقريه معينه كانت القرود تنط علينا في الحوش ايام لاتنسى إلاليت الزمن يرجع ورى ولا الليالي تدور ويرجع وقتنا الأول وتجمعنا محبتنا. |
مشكوووووووووووووووووره أختي قطرة ندى عالموضوع الرائع وان شا الله الكل يستفيد حكايتي مع الكوره حكايات لاتنتسى ... وسبحان الله كم عندي مشاكل منها وبصراحه كل مااتذكر مواقفي معاها اقعد اضحك فحبيت انقلها لكم وانا صغيره رحنا البر وقاعده العب مع اخواني كوره وقمت اخذت الكوره وابغى اسوي حماس واسوي زيهم لما يضربوا الكوره ويشوفوا من اعلى ارتفاع وقمت حميت رجلي وتنتكتها وزبطتها وحمستها وشحنتها وووووووووووووووووو ضربت الكوره وطنننننننننن طق طخ طع طج < < < < رجعت في وسط وجهي واء واء واء واء آآآآخخخخ توجع مرررره :cry: هذه الاولى ... أما المره الثانيه ا رحنا منتزه وكنت واقفه عند النافوره وبعدييييييين كان في اولاد يلعبوا كوره وكنت مسطله ورايحه فيها الا اسمع احد يصيح يقول انتبهي والف .... واطالع الا الكوره جايه علي وازيد القيبهم ظهري والف ... إلا والكوره طاخ طيخ طق طع طب طب ابت تقصف ظهري :shock: آه آه آه آه ياظهري وهههههههههههه وهذه 2من تقريبا 10 وسلامتكم |
موضوع جدا رائع وصراحه ما فيه احلى من الذكريات انا عني مره كنت طفشاااااااااانه بنطق قلت يا الله خليني اروح النت لقيت البطاقه مخلصه تحطمت :cry: ورحت لغرفتي لقيت بدرج بطاقه وحده بغيت اموووووووووووووت من الفرحه وجيت مستعجله و فرحانه وافتح الكمبيوتر من قدي :lol: :lol: وشفت المشرط على المكتب قلت يا الله عشان ما اعدم يداتي و بكشط به الغلاف اللي على الرقم وا كشط الغلاف والرقم :cry: يعني امسح الغلاف برقم:cry: تمنيت ساعتها عدمت يداتي ولاراحت علي البطاقه وتحطمت من جديد :cry: :cry: بس اللحين الحمدالله صار بدون بطاقه :wink: :wink: تقبلوووووووووو تحياتي |
لا تستغربون من الاسم انا مش مسجله بلمنتدى وصراحه اعجبني الموضوع وحبيت الشارك وشاركت بأسم اخوي وعن قريب سوف تروووووووني نسيم المحبه |
بسم الله..
عفوا عالتأخير... وين ذكرياتك ياأبو مازن..؟؟ اتحفنا الله يخليك وغنى والله انك صادقه الاليت الزمن يرجع... وسديم السحاب..هههههههههه الله يسعدك ضحكتيني بجد ورطه ... والى نسيم المحبه واااااااا تحزنين الحمدلله انو تطورنا وانا باانتظارك ياقلبي.. مشكوررررين اما بالنسبه لي مره كنت امشي في الحوش بدون جزمه قلك اسوي جو.. الا واحس بشي قاسي تحت رجلي وانزل كذا وامسك هالشي واناظر في هالشي واقول وش ذا؟؟ وش تتوقعون طلع يع يع يع يع يع طلعت وزغه ميته ويابسه شكلها ميبسه من عهد الاولين :lol: ياربي الله لايعيدها بس سبحان الله اللي اخاف منه يجيني مادري ليه..؟؟ وبس واتمنى المزيد من المشاركات .... وشكرا |
اول شي يعطيك الف عافيه ياقطرة ندى والذكرى الوحيده الي اعاني منها لحد الان هي الكوووره مثل سديم بس انا ماالعب ولااحب الكوره بس اخاف منها لما يكون في احد يلعب وسبب خوفي لاني ماعمري قعدت بمكان فيه احد يلعب كوووره الاجت الكوره بوجهي ومو شرط كوره احيانا قارورة مويه علبة ببسي اي شي دايم بوجهي وامي دايم تقول لي اللي يخاف من شي يجيه فخوفي من الكوره لاتجي بوجهي او تصقعني هذا السبب :D |
ياعمري عليك انت وسديم معاناه بجد الله يعينكم وانت صادقه وامك بعد اللي يخاف من شي يجيه مثل هالافلام اللي يجي فيها واحد خايف ومايموت الا هو اما الشجاع اما يضحي ولا ينتصر موعدل كلامي ؟.. مشكوره على مرورك |
انا باقول لكم قصتي مع النظارة :
في بداية تعييني معلم طلبت ادارة التعليم من كل خريج اجراء كشف طبي ومشيت الامور تمام عند جميع الاطباء حتى جاء دور طبيب العيون :shock: ..... وكنت وقتها لاألبس نظارة ولايحزنون 0000 كان الطبيب مصري والاخ مستعجل بسبب كثافة الخريجين ... جاء دوري قال : اؤعد وغطي عينك اليمين 0 وبدأت اشوف لوح الاختبار وكله حرف c باحجام مختلفه والطبيب يسال : الفتحه دي على فين؟ وانا ماشاءالله تبارك الله اخبص تخبيص ياسلاااااااااااااااااااام 000000 اللي فوق اقول يسار واللي تحت اقول يمين ....... وهكذا 0( مدري عن فتحات بقعاء فين) طالع في وقال : انت بتشوف تمشي ازاي يابني ؟ كتب لي ورقة عليها المقاس ... وقال : تروح عالبشاوري ( في جدة طبعا ) ويعمل لك نظارة 0 رحت للبشاوري قال تعال خذها بعد يومين 00 بعد يومين كان الوقت بعد العشاء ..... ولبست النظارة الطبيه وخرجت الشارع ... اش صار ؟ اول مرة في حياتي البس نظارات - وطبيه ! صرت اركز على الاشياء البعيدة وهاتك ياتخبيط في الناس . اللي يقول : فتح عينك ماتشوف؟ ( موداري انه صار عندي 4عيون ) واللي يسب ...............الخ وانا فرحان بالنظارات كاني اشوف جدة للمرة الاولى 0 كنت معجب باللوحات وتغيرت اشكال الاشياءاللي اعرفها لانها صارت تبان بوضوح 0 وسلامتكم 0 |
الحمدلله على سلامتك ههههههه
قصه حلوه ومحزنه ومضحكه مشكورعالمرور |
| الساعة الآن 11:27 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ