التربية" تسمح رسميا بالاختلاط في الصفوف الاولية بالمرحلة الابتدائية

مشكور يا منصور على نقل الخبر وطرحه في المنتدى ... ولي رأي خاص ... المهم لا أحد يزعل من كلامي ... لأنني مثلكم في الخوف على رجالنا أكثر من حريمنا وعلى أطفالنا أكثر من شبابنا وعلى شبابنا أكثر من فتياتنا ... ماتلاحظون إن الخوف متداخل .
في البدء هاهم صغارنا الرضع يتخالطون ... مع تحفظي على كلمة اختلاط التي أتمنى أن يُمنح مبتدعها جائزة من أحد مجامع الفقه في عالمنا العربي والإسلامي ... فهاهم صغارنا يختلطون ويتخالطون وينخلطون في حضانات المستشفيات ... ويتخالطون وينخلطون في الملاهي بأنواعها في الحل والسفر . ويتخالطون ويتخابطون عند قهوة الضحى وعند الدياس وتلقيم البقرة ... سبحانه مغير الأحوال ... ومنذ الأزل إلى أن يبدأ أحدهم في البزرنة والبنت تستحي ... وتصبح المخالطة والتخالط أحد عجائبنا التي لا أعرف كم عددها ... يعني بالله عليكم كل هذا الاختلاط في العزائم وعند البهائم وفي الأسواق ومع الخدم والسواقين ولازلنا نفكر في التفريق بينهم في المضاجع أثناء اليوم الدراسي ... صدقوني ما عقدنا وجعلنا مجتمع ( .... ) إلا بلع الاختلاء والغص بالاختلاط !!!

وعشان مايزعلوا المتمسكين بمقولة الاختلاط ، أنا ضد الاختلاط لسبب واحد وجيه جداً ألا وهو كيف تمنح المعلمة حق تدريس الأولاد ، ولايمنح المعلم الحق نفسه بالنسبة للبنات ؟!
حتى لو عبر دائرة تلفزيونية مغلقة لا أقبل فالعدل مطلوب معلمه للأولاد ومعلم للبنات .

بالتدريج..اليوم الابتدائية وغداً الثانوية!
وهناك من يتقبل وبكل سرور والله المستعان..

الله لايجيب الأختلاط يارب في مدارس البنات لأن الولد في الروضه جاء البيت ووصف لي المعلمةبكل دقة طبعا مو ولدي ولد اختي ولابسه كذا ياخاله وحاطه كذا ياخاله واكسسوارها لونه فضي وكعبها عالي تقولولي اختلاط من المفترض عدم دخول الأولاد من التمهيدي والروضه مع البنات شويه شويه يوصف المعلمه لأبوه هواحنا ناقصين تفكك اسري
انا ضد ذلك وبقوة والله لايقولها ادرس اولاد والله ماراح نتحملهم ولاراح نحن عليهم ابدا اقول هذا عني وعن كل معلمة اذا البنت تعبانه والا زعلت والا طاحت ماغير احنا نحضن فيهن ونداري لكن لأاعتقد ان هناك راح يكون فيه ابدا نوع من الحنيه والسبب لأنهم اولاد والسبب الثاني لأنهم اشقياء وماينهدون وبعدين مافكرو في العواقب يعني بكره يجي الأب يحضر مجلس الأمهات لابس عباية والله انها مهزله عسى الله لاينجح التجربة
الأخ ابو طلال اشكرك على شهادتك لنا ونعتزفيها ولكن الله يكثر خيركم خلو اأولادكم معكم واجتهدو في تدريسهم
ولااعتقد يابوالطيب انه مهما بلغ الأختلاط لايمكن احد يدخل بنته مدرسة اولاد علشان يدرسها معلم والله يستر علينا من القادم لاتنقلب بنا الأمور نداوم سواء الحين عندنا في جدة قالو انهم وضعو فصل للأولاد واخر للبنات وايضا وصلنا ان الأب والأم دخلو معا المدرسة وشافو مكان اولادهم وبناتهم مع بعض0 طيب فين المعلمة تشرد شكلها بتجلس طول اليوم بعبايتها ورب ضارة نافعه ويرجعن الحريم الى الحجاب الشرعي والاسلامي ودمتم مستوووووووووووووووووووووووووووووورين