يا ُغلبك يا سلطان

يااخ سلطان انت قبل ماتتزرج ايش كنت تتوقع من الزواج؟؟!!
وانت أكيد ماتزوجت الا لمن صارت حالتك المادية تسمح للمسؤولية يعني المفروض انك عارف الحياة الزوجية مسؤولية كبيرة وماحد يتزوج الا اذا كان قدها وقدود...
وطبعا انت جبت عيال والمفروض انك عارف ان الاطفال مو بس للتسلية يضحونك ويملون عليك البيت لا هم مسؤولية أكبر(يعني الوالدة الله يحفظها لمن تقول لك ياغلبك ياسلطان هي اكيد تعرف عن هذي الظروف ومرت فيها والوالد نفس شي لانك انت في يوم من الايام كنت تمرض وياخذك للمستشفى ويصرف عليك زي ماتصرف على عيالك واكيد زوجتك تعبانة اكثر منك لانها هي اللي تسهر وتداوي وتشيل وتحط) باختصار انت هذي وظيفتك بالحياة (النفقة) وزوجتك وظيفتها الاهتمام والعناية
الله يعينك ويقويك لكن هذا اللي ربي كتبه وانت اذا ماتبغى تصرف وتوديهم المستشفى ايش تبغى تسوي (تطبخ؟ تسهر على راحتهم؟ تلبسهم؟ تداويهم؟ تشيلهم لمن يبكون؟ ولا لمن يوسخون الدنيا تنظف؟؟؟؟؟)
وبعدين ياخوي ماحد قالك لاتصرف على نفسك بالعكس انت لاتضيق على نفسك عشان ماتكره حياتك الزوجية وبالنسبة للسفريات تقدر تاخذ زوجتك وتسافرون وتنبسطون وتعيشون السفرة زي الاصحاب وتخلون عيالكم عند الاهل صدقني راح يصير لها تاثير حلو بحياتك

واسفة اذا طولت عليك ولا قلت لك شي يزعلك لاني تكلمت معاك من مبدأ اخوة