حضرية تكيد بدوي تحبه

يـــا مـرحبا واهلــين يا كـل رجــال
متـوشــح بالشال كـاس البطـولة

اللـون واش مـن لون يا لابس الشال
الـوان ترقـى فوق واخـرى زعــولـه

صـالح بشـــــــير يناول الباص لعقــال
وعقــال جـالـه فـوق حمـله حمــولـه

ثقيــل في الميـــدان يارب واش كـال
يبـدو عليـه ارهـاق ميــل بطـــوله

نــرد نــرجــــــع للمحبـــه وبــــــدلال
الشـام شـام اهل الهـوى في ميـوله

يا مـدور الراحـات لـون مع اقـوال
دور على مـن تطلبـه في فعـوله

لك جال في ما قلـت والناس في جال
ليا ما طلبـت اوصاف شـف لك عقوله

لا ســرت في الاسـواق عطال بطــال
تاكل عـدس في القـيم والـوهـط فـوله

يا رب تيسـر شـيء مـن صـرة المـال
الناس للبـترول قـد وجهـــو لـه

دربــك طـويل الــدعـج ليا كنت بتـال
يــم المضـارب خـذ طريقـك بطولـه

انت المخــيّر بـين صـدق وتحتــال
اثبـت لحـالك مـوقفـك والـرجـوله

لاتنخــدع هـــذي حيـاتك لك امثـال
خـذ عـبرتك ليا جيـت للدلخ جـوله

بنت البدو في الخـدر يا مدور ظلال
مصيـونة مســتورة مـن حمــوله

بنـت البـدو مقصـــد لفارس وخيال
بنـت الحضر تـزف بيسـروسـهوله

الـزين يمشـي لـف رجلـه بخلخـال
ما تحتري مـن رد يلفـي رســولـه

الحـظ مـن يوصلك لو كنت وبـال
ما به فـوارق في عمـوم الرجـوله

لو نحمـي الــدله على جمـر منقال
حب الهوى يجمـع شهامه ورجوله